Ermənistanda yanğınlar ara vermir
Bakı, 3 sentyabr, AZƏRTAC
Üç gün ərzində Ermənistanda ümumi sahəsi 628,5 hektara yaxın olan ərazidə yanğınlar söndürülüb.
AZƏRTAC xəbər verir ki, bu barədə yerli kütləvi informasiya vasitələri ölkənin Fövqəladə Hallar Nazirliyinin Böhran Vəziyyətində İdarəetmə Milli Mərkəzinə istinadla xəbər yayıb.
Məlumatda bildirilir ki, sentyabrın 1-dən 3-dək müxtəlif otlaq sahələrdə baş verən yanğınlar barədə Mərkəzə 61müraciət daxil olub.
Yanğınlar daha çox Aragatsotn, Qeqarkunik, Armavir, Lori, Kotayk, Şirak,Vayotszor, Tavuş vilayətlərini əhatə edib.
Otlaq sahələrindən meşə ərazilərinə keçən yanğını lokallaşdırmaq üçün İcevan şəhəri ətrafında yanğınsöndürən helikopter cəlb edilsə də, göstərilən cəhdlər nəticəsiz qalıb.
Mütəxəssislər yanğınların biçin sahələrinin yandırılmasından sonra baş verdiyini bildiriblər.
Bölmənin digər xəbərləri
