Ət və süd istehsalı artıb
Bakı, 24 fevral, AZƏRTAC
Bu ilin yanvarında quş əti də daxil olmaqla diri çəkidə 43,1 min ton ət, 157 min ton süd, 152,9 milyon ədəd yumurta istehsal edilib.
Dövlət Statistika Komitəsindən AZƏRTAC-a bildirilib ki, 2020-ci ilin müvafiq dövrünə nisbətən ət istehsalı 3 faiz, süd istehsalı 1,5 faiz artıb, yumurta istehsalı isə 4,6 faiz azalıb.
Yanvarın 1-i vəziyyətinə damazlıq təsərrüfatlarında 13,7 min baş iribuynuzlu mal-qara, 22,1 min baş qoyun və keçi mövcud olub.
Mal-qaranın cins tərkibinin yaxşılaşdırılması üçün dövlət və özəl damazlıq təsərrüfatları heyvandarlıqla məşğul olan hüquqi və fiziki şəxslərə ötən il 3,5 min baş iribuynuzlu mal-qara, 11,6 min baş qoyun və keçi satıblar.
Bölmənin digər xəbərləri
