FERMERLƏRLƏ GÖRÜŞ KEÇİRİLMİŞDİR
AZƏRTAC-ın müxbiri xəbər verir ki, Kənd Təsərrüfatında Özəl Bölmənin İnkişafına Yardım Agentliyinin rəhbərliyi Şəmkirdə respublikamızın qərb bölgəsində fəaliyyət göstərən fermerlərlə görüş keçirmişdir. Görüşdə mövcud vəziyyət ətraflı təhlil edilmiş, uğurlarla yanaşı, problemlərdən də danışılmışdır. Qeyd olunmuşdur ki, ölkənin sənaye məhsullarının 12-13, kənd təsərrüfatı məhsullarının 13-14, o cümlədən kartofun 80-85, üzümün 28, heyvandarlıq məhsullarının isə 15 faizini verən bu bölgədə potensial imkanlardan daha geniş istifadə etmək üçün yeni uzunmüddətli proqram hazırlanmışdır. Agentliyin rəhbəri Vaqif Hüseynov bu proqram haqqında görüş iştirakçılarına ətraflı məlumat vermiş və onun reallaşması istiqamətində görüləcək işlərdən danışmışdır.
Sonda görüş iştirakçılarını maraqlandıran suallara cavablar verilmişdir.
Bölmənin digər xəbərləri
