Bakı, 25 fevral, AZƏRTAC

“Ferrari” ötən həftə Formula 1 üzrə test yarışlarının üçüncü günündə Sebastian Fettelin idarə etdiyi bolidin mühərrikində yaşanan problemə aydınlıq gətirib.

AZƏRTAC xəbər verir ki, bu barədə bəyanat yayan skuderiyalılar bunu bolidin yağlama sistemindəki çatışmazlıqla əlaqələndiriblər.

Yeni mövsümə istənilən kimi hazır olmadığı deyilən “Ferrari” rəhbərliyi bildirib ki, narahatlığa əsas yoxdur və klubun Maranello bazasındakı problemlər də yoluna qoyulub.

Maraqlıdır ki, Fettel bolidində mühərrik problemi yaşadığı anadək üçüncü test günündə ən sürətli dövrə ilə yadda qalmışdı.