FRANSA NÜVƏ SİLAHI İLƏ HƏDƏLƏYİR
Nazir demişdir: “Nüvə çəkindirməsi terrorizm təhlükəsinə təsir etməyin ən münasib vasitəsi deyildir, lakin biz onu saxlamalıyıq. Söhbət bu və ya digər ölkəyə nüvə zərbələri endirməkdən deyil, təhdid mənbələrinə məqsədli zərbələr vurmaqdan gedir”.
Fransa müdafiə nazirinin fikrincə, nüvə cavabı qabiliyyətini həm də ona görə saxlamaq lazımdır ki, 20-30 ildən sonra dünyada nələr baş verəcəyini heç kim bilmir. O vurğulamışdır ki, nüvə çəkindirməsi sahəsində tərəfdaşları ilə razılaşdırılmış fəaliyyətə hazırdır.
Britaniya hərbi idarəsinin başçısı Con Rid isə, öz növbəsində, beynəlxalq təhlükəsizlik məsələlərinin hərbi yolla, yaxud bir ölkənin səyi ilə həllinin əleyhinə çıxmışdır. O, NATO çərçivəsində müasir təhdidləri aradan qaldıracaq və onlara cavab verəcək transatlantik əməkdaşlığın möhkəmləndirilməsinin zəruriliyini vurğulamışdır.
Bölmənin digər xəbərləri
