FRANSA PREZİDENTİ NYU-YORKDA SƏFƏRDƏDİR
Tədbir bu ilin yanvar ayında Cenevrədə Kofi Annanın Fransa, Braziliya və Çili prezidentlərinin görüşündə irəli sürülmüş “Aclığa və yoxsulluğa qarşı hərəkat” təşəbbüsünün davamıdır. İspaniya təşəbbüsə sonradan qoşulmuşdur.
Hazırda dünya dövlətlərini ciddi narahat edən bu problemin aradan qaldırılması yollarını araşdıran təcrübəli iqtisadçıların fikrincə, yoxsulluğa qarşı mübarizəni maliyyələşdirmək üçün üç əsas mənbə vardır: ictimai inkişafa yardım, borcların yüngülləşdirilməsi və beynəlxalq ticarətin inkişafı.
Son illər bu sahədə müəyyən irəliləyişlər nəzərə çarpsa da, problemin həlli üçün külli miqdarda vəsait tələb olunur. Dünya Bankı bunun üçün hər il 50 milyard dollar tələb olunduğunu müəyyən etmişdir.
Fransa, İspaniya, Braziliya və Çili prezidentlərinin BMT-nin Baş katibi Kofi Annanla görüşündə bu qədər vəsaitin əldə edilməsi yolları barədə fikir mübadilələri aparılacaqdır.
