FRANSA YARDIM İSTƏYİNDƏDİR
Avropa Komissiyasının üzvü olan ölkələrin baş nazirləri yay istirahətindən sonra Brüsseldə Roman Prodinin sədrliyi ilə ilk yığıncaqlarını keçirmişlər. Yığıncaqda bu il Avropanın bir çox ölkələrində baş vermiş yanğınlar, quraqlıq və digər məsələlər müzakirə olunmuşdur. Portuqaliyanın cənubunda baş vermiş meşə yanğınlarının ölkənin iqtisadiyyatına çox ciddi zərər vurduğu qeyd edilmişdir. Avropa Komissiyası dəymiş zərərin tezliklə aradan qaldırılması üçün həmrəylik fondundan bu ölkəyə 31,6 milyon avro ayırmağı qərara almışdır.
Digər ölkələr, o cümlədən 2003-cü il büdcəsində 3,7 və yaxud 3,9 faiz kəsir gözlənilən Fransa quraqlıq və meşə yanğınlarına görə yardım göstərilməsi üçün yaxın günlərdə komissiyaya müraciət etmək niyyətindədir.
Bölmənin digər xəbərləri
