FRANSADA 13 KÜRD HƏBS EDİLMİŞDİR
AZƏRTAC-ın xüsusi müxbiri xəbər verir ki, yanvarın 5-də əməliyyat aparmış Fransa polisi çirkli pulların yuyulmasında və terrorçuları maliyyələşdirməkdə şübhəli bilinən Kürdüstan İşçi Partiyasının (PKK) ölkədə fəaliyyət göstərən bir neçə rəhbər və üzvünü həbs etmişdir
İl-de-Frans rayonunun Sən-Sen-Döni,Val de-Uaz, O-de-Sen və İvelin yaşayış qəsəbələrində həyata keçirilmiş əməliyyatlar zamanı polis 13 kürdü həbs etmişdir. Onlardan 12-si kürd mənşəli Türkiyə, biri isə Avstraliya vətəndaşıdır.
Müstəqil Kürdüstan dövləti yaratmağı qarşısına məqsəd qoymuş PKK terror aktları törətməklə insanları qorxu altında saxlamağa səy göstərir.
Əməliyyata rəhbərlik etmiş polis komissarı bildirir ki, mütəşəkkil cinayətkar dəstə terrorçuları maliyyələşdirən və çirkli pulları yumaqla məşğul olan terrorçu təşkilatla əlaqədə olmuşdur.
Komissarın məlumatına görə, 2006-cı ilin iyul ayında kürd mənşəli iki Türkiyə vətəndaşı 200 min avronu dollara dəyişdiyi zaman biletlərin üzərində kokain və heroin izləri tapılmışdır.
Həbs edilənlərdən birinin adam öldürdüyünə görə İsveçdə axtarışda olduğu müəyyən edilmişdir.
Bölmənin digər xəbərləri
