FRANSADA CİNAYƏTKARLAR 2 MİLYON AVRO APARMIŞLAR
AZƏRTAC-ın xüsusi müxbiri xəbər verir ki, Fransanın Nor departamentindəki Aniş şəhərinin mərkəzində naməlum silahlı şəxslər bir cəmiyyətin kassasına hücum edərək 2 milyon avro aparmağa müvəffəq olmuşlar.
Ağır silahlarla silahlanmış 6 nəfərlik quldur dəstəsi günorta radələrində əllərində partlayıcı maddə kassanın yerləşdiyi binaya soxulmuş, gözətçiləri tərksilah etmiş və seyfləri partladaraq 2 milyon avro götürmüşlər. Onlar hadisə yerinə gəlmiş polisə müqavimət göstərmiş və qanun keşikçilərinə atəş açmışlar. Sonra iki maşına minərək aradan çıxa bilmişlər.
Atışma zamanı heç kim xəsarət almamışdır.
Regional polis cinayətkarları tapmaq üçün axtarışa başlamışdır.
Xatırladaq ki, 2007-ci ilin iyununda da cinayətkarlar həmin kassaya hücum etsələr də, istədiklərinə nail ola bilməmişdilər.
Bölmənin digər xəbərləri
