FRANSADA MEŞƏ YANĞINLARI DAVAM EDİR

22.07.2003 [14:24]
Çap et
A⁺ A^-

Son bir ayda Fransa meşələrində tüğyan edən yanğınlar ölkənin cənubundakı yaşayış məntəqələri,üzümlüklər və digər kənd təsərrüfatı sahələri üçün ciddi təhlükə yaratmışdır. Təkcə son vaxtlar Var departamentində 10 min, Dinle-Benda 120, Verdonda 1000 və Prad-Fon-Romoda 200 hektar meşə büsbütün yanmışdır. Bir neçə gün bundan əvvəl Korsikada başlamış yanğın isə 1600 hektar meşəni tamamilə məhv etmişdir.

Ölkənin baş naziri Jan-Pyer Raffaren yanğının əhatə etdiyi yerlərdə vəziyyətlə tanış olmuşdur. Yanmış meşələrin bərpası üçün dövlət hələlik 500 min avro ayırmışdır. Minlərlə yanğınsöndürənin,yüzlərlə maşın və vertolyotun cəlb olunmasına baxmayaraq,yanğının qarşısını almaq hələlik qeyri-mümkündür. Havaların görünməmiş dərəcədə isti keçməsi alovun yeni sahələri bürüməsinə şərait yaradır.

Xatırladaq ki, 1989-1990-cı ildə baş vermiş yanğınlar 145 min hektar sahəni əhatə etmiş və ölkəyə külli miqdarda zərər dəymişdi.