FRANSADA NÜMAYİŞLƏR GETDİKCƏ GÜCLƏNİR
Martın 23-də nümayişə çıxmış on minlərlə tələbə və onlara qoşulmuş lisey şagirdləri Parisdə iğtişaşlar törədərək bir neçə maşını yandırmış, mağazalarn vitrinlərin sındırmış və digər dağıntılar törətmişlər.
Nümayişçilər paytaxtın İnvalid meydanı yaxınlığındakı altımərtəbəli binanın qapısına od vurmuş, dörd böyük mağazanın vitrinini sındırmış və onlarla maşına ciddi zərər vurmuşlar.
Asayişi qoruyan qüvvələrə müqavimət göstərərək onlara boş butulka və daş atan nümayişçiləri dağıtmaq üçün polis zor tətbiq etməli olmuş və gözyaşardıcı qazdan istifadə etmişdir. Nəticədə yaranmış qarşıdurma zamanı 60 nəfər, o cümlədən 27 polis yaralanmışdır. Bədən xəsarəti almış 21 yaşlı gəncin vəziyyəti daha ağır olduğundan onu neyrocərrahiyyə xəstəxanasına yerləşdirmişlər.
Ölkənin Nansi, Qrenobl, Strasburq və digər şəhərlərində keçirilmiş nümayişlərdə onlarla maşın yandırılmışdır.
Xatırladaq ki, ölkədəki 84 universitetdən 69-u və 4300 liseydən 600-ü bağlanmışdır.
Bölmənin digər xəbərləri
