FRANSADA SİLAH ANBARI AŞKAR EDİLMİŞDİR
AZƏRTAC-ın xüsusi müxbiri xəbər verir ki, Fransanın Ruan gömrük idarəsinin əməkdaşları bir kolleksiyaçının mənzilində əsl silah anbarı aşkar etmişlər.
Mənzildə axtarış zamanı bir raketatan qurğu, bir neçə kiloqramlıq müxtəlif hərbi sursat, 34 qumbara, beş bomba, 21 mərmi və partlayıcı maddələr tapılmışdır.
Mənzilin 62 yaşlı sahibi İkinci Dünya müharibəsindən qalmış və partlayış gücünü itirməmiş bəzi sursatı kolleksiya məqsədi ilə topladığını etiraf etmişdir.
Xatırladaq ki, son on ildə fransız gömrükçüləri qanunsuz saxlanan 195 min 856 ədəd müxtəlif növ silah və raket aşkar etmişlər.
Dövlət Sosial Müdafiə Fondunun Qazax rayon şöbəsindən AZƏRTAC-ın müxbirinə bildirmişlər ki, kollektiv cari ilin altı ayını uğurla başa vurmuşdur. Belə ki, qeyri-büdcə və büdcə təşkilatlarından 987 min manat sosial sığorta yığımı proqnozuna qarşı 1 milyon 10,4 min manat vəsait toplanaraq tapşırığa 105,6 faiz əməl edilmişdir.
Toplanan vəsait hesabına əhalinin pensiya və müavinətləri vaxtında ödənilmişdir.
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, cari ilin ötən altı ayı ərzində istehlaka yönəldilmiş elektrik enerjisi haqqının ödənilməsində irəliləyişə nail olunmuşdur. Belə ki, həmin müddətdə 37,8 milyon manat ödənilmişdir. Bu, ötən ilin müvafiq dövrü ilə müqayisədə 3,3 dəfə çoxdur.
Bölmənin digər xəbərləri
