Fransada siyasi böhran davam edir
Paris, 24 dekabr, AZƏRTAC
Fransada Bayru hökumətinin tərkibi solçuların iştirakı olmadan, ancaq bir neçə makronistin iştirakı ilə açıqlandı. Mişel Barnyenin dövründə olduğu kimi, yenə də Marin Lö Penin qrupu arbitr mövqeyindədir.
AZƏRTAC xəbər verir ki, F.Bayru hökumətinin tərkibi açıqlandıqdan dərhal sonra bu hökumətin də ömrünün uzun olmayacağı səsləndirilir. 35 nazirdən ibarət hökumət elan olunandan dərhal sonra solçular və ifrat sağçı Milli Birlik (RN) partiyaları tərəfindən pislənildi, hətta sağçı Respublikaçı (LR) Partiyası tərəfindən tənqid olundu. Sonuncular M.Barnyenin sadiq tərəfdarları idi. Bildirilir ki, ədliyyəyə Jeral Darmanən, mili təhsilə Elizabet Born, gender bərabərliyinə Oror Berje, büdcəyə Ameli dö Monşalənin təyinatından, eləcə də keçmiş baş nazir, keçmiş sosialist Manuel Vallsın gəlişi ilə makronist tanınmışlar hökumətə qayıtdı.
“Həqiqətən də dinozavr iyi gəlir və bu, V Respublikanın sona çatmasına səbəb olacaq", - deyə parlamentarilər bildirib. Bəziləri yeni hökuməti hətta “Barnye II” adlandırıb. Təyin edilmiş 35 nazirdən 19-u artıq Assambleya tərəfindən devrilmiş əvvəlki komandanın bir hissəsidir. Yeni daxil olanların üçdə biri artıq Emmanuel Makronun rəhbərliyi altında hökumətin üzvü olub.
Barnye hökumətində Respublikaçıların (LR) və Makron partiyası “Renaissance”ın müvafiq olaraq 10 və 11 portfeli, MoDem-in isə üç portfeli var idi. Buna görə də prezident partiyası bu yeni hökumətdə 12 nazirliklə üstünlüyü bərpa edir, LR altı nazirliyə, Fransua Bayrunun sədrlik etdiyi MoDem partiyası isə cəmi iki nazirliyə (Xarici İşlər və Parlamentlə Əlaqələr) rəhbərlik edir.
Ancaq yeni hökumətdə solçular təmsil olunmur. Barnye hökumətinin süqutundan sonra Yelisey sosialistləri hökumətə daxil olmağa inandırmağa ümid edirdi. Çoxsaylı görüşlərə baxmayaraq, 2024-cü ilin dördüncü Baş naziri istədiyi kimi şəxsiyyətlərin üçdə birini sağdan, üçdə birini soldan, üçdə birini isə mərkəzdən təyin edə bilmədi.
“Əyilməz Fransa” partiyasının lideri M.Pano artıq parlament yanvarda qayıdanda Bayru hökumətinə qarşı etiraz təklifi təqdim edəcəyi barədə xəbərdarlıq edib. “Bu, hökumət deyil, ifrat sağın nəzarəti altında hakimiyyətdə olan ifrat sağçı bir təxribatdır", - deyə sosialistlər bildiriblər.
Sosialistlərin reaksiyalarını nəzərə alaraq, onlar üçün senzuraya doğru getməməyin çox çətin olacağı bildirilir. RN partiyası apriori senzura təhdidi etmədən kritik vəziyyətdədir. “Hökumət əvvəlki kimi, açıq şəkildə legitimliyin olmamasına və əldə edilə bilməyən çoxluğa əsaslanır. O, seçki qutusundakı seçimləri nəzərə alan bir büdcə qurmaq üçün metodunu dəyişməli, müxalifəti dinləməli və eşitməli olacaq", - deyə Marin Lö Pen X hesabında xəbərdarlıq edib.
Ölkədə siyasi böhran davam edir. Siyasi partiyalar arasında razılıq yoxdur. Sağların Fransanın Marin Le Penin razılığı ilə qurulan hökumətində iştirak etməkdən imtina etməsini əks etdirən mətbuat açıqlamasının “asta təsir edən zəhər” olduğu qeyd edilir.
Yeni hökumətin də 3 aylıq ömrü olacağı vurğulanır. Sağların mətbuat açıqlamasının artıq yeni hökuməti öldürdüyü qeyd edilir. Solun dəstəyindən məhrum olan Fransua Bayru sağın dəstəyi ilə qarşılaşmalı olacaq. “Hökumətdən ayrı-ayrılıqda dəstək tələb edəcəyik və nəzərə alınmazsa, onu tərk edəcəyik”, - deyə LR partiyasından olan parlamentari deyib.
“Mişel Barnye hökumətini dəstəklədiyim üç aylıq fasilədən sonra mən yenidən müxalifətdəyəm", - deyə respublikaçı senator Sedrik Vial X hesabında bildirib.
Ekspertlər Barnye dövründə makronistləri və sağları bir araya gətirən bazanın getdikcə dağıldığını vurğulayırlar.
Bölmənin digər xəbərləri
