FRANSADA YENİ YANĞINLAR BAŞ VERMİŞDİR
AZƏRTAC-ın müxbiri xəbər verir ki, Fransada yeni yanğın ocaqları peyda olmuşdur. Ölkənin cənubunda yerləşən Nim şəhəri yaxınlığında 600 hektardan çox sahəni alov bürümüşdür. Üzüm sahələri yanıb külə dönmüşdür. Yanğının şəhərin 600 metrlik məsafəsinə yaxınlaşması qorxulu vəziyyət yaratmışdır. Onlarca evin sakinləri təhlükəsiz yerlərə köçürülmüşlər.
Təbii fəlakətlə mübarizəyə 400 yanğınsöndürən, 10 təyyarə və 40-dan çox maşın cəlb edilmişdir. Yanğınsöndürənlərin səylərinə baxmayaraq, 19 saatlıq mübarizə hələlik bir nəticə verməmişdir. Saatda 50–70 kilometr sürətlə əsən isti külək yanğının qarşısını almağa maneçilik törədir.
Bölmənin digər xəbərləri
