FRANSANI TƏTİL DALĞASI BÜRÜMÜŞDÜR
AZƏRTAC-ın xüsusi müxbiri xəbər verir ki, Fransanı tətil dalğası bürümüşdür. Hökumətin 2010-cu ildə poçt sahələrini özəlləşdirmək qərarına etitaz əlaməti olaraq ölkənin 300 mindən artıq poçt işçisini öz ətrafında birləşdirən beş həmkarlar təşkilatının çağırışı ilə poçt işçilərinin 40 faizi tətil etmişdir.
Tətil zamanı 240-dan artıq poçt idarəsi fəaliyyətini dayandırmışdır.
Parisdə 3, Nantda 2, Tuluzada 2 min, Marsel, Bordo, Orlean və Lion şəhərlərinin hər birində mindən artıq poçt işçisi tətildə iştirak etmişdir. Ölkənin digər bölgələrində də tətilçiləri müdafiə edən nümayişlər keçirilmişdir.
Şəhərdaxili nəqliyyat işçiləri də tətilçilərlə həmrəy olduqlarını bildirmişlər. Metrolarda hər beş qatardan biri hərəkətini dayandırmışdır.
Tətilçilər hökumətin qərarını dəyişmədiyi təqdirdə daha izdihamlı tətil və mitinqlər keçirəcəklərini bəyan etmişlər.
Bölmənin digər xəbərləri
