FRANSIZ DƏMİRYOLÇULARI TƏTİL ETMİŞLƏR

22.11.2005 [16:38]
Çap et
A⁺ A^-

AZƏRTAC-ın xüsusi müxbiri xəbər verir ki, noyabrın 21-də Fransada bütün ölkə üzrə 165 minlik dəmiryolçuların 71 faizi və qatar bələdçilərinin 95 faizi ölkənin dəmir yollarının özəlləşdirilməsinə etiraz əlaməti olaraq tətil etmişlər.

Fransanın nəqliyyat naziri Dominik Perban dəmiryolçuların həmkarlar ittifaqı təşkilatını tətili dayandırmağa çağırmışdır. O bildirmişdir ki, həyata keçiriləcək özəlləşdirmə heç də dəmir yollarının bütün sahələrini deyil, bir qismini əhatə edəcəkdir.

Tətil zamanı müxtəlif istiqamətlərdə qatarların əksəriyyətinin hərəkəti dayandırılmışdır. Minlərlə sərnişin vağzallarda ilişib qalmışdır.

Dəmiryolçular tətili noyabrın 22-də də davam etdirməyi qərara almışlar.