GƏNC HEYDƏRÇİLƏR YUBİLEYLƏRİNİ QEYD ETMİŞLƏR
AZƏRTAC-ın müxbiri xəbər verir ki, Gəncədəki “Gənc heydərçilər” rəsm qalereyasının bir yaşı tamam olmuşdur. Ötən müddət ərzində yüzlərlə gənc istedadı üzə çıxaran qurumda 24 sərgi keçirilmişdir. Qalereyanın rəhbəri Təranə Namazova qazandıqları uğurlara görə onlara mənəvi və maddi dəstək olan insanlara minnətdarlığını bildirmişdir. Şəhər ictimaiyyətinin nümayəndələri, ağsaqqallar, təhsil və mədəniyyət işçiləri ürək sözlərini söyləmiş, kollektivə uğurlar arzulamışlar. Vətənpərvərlik mövzusunda çəkdikləri uğurlu rəsm əsərlərinə görə bir qrup gənc heydərçiyə şəhər təhsil, gənclər, idman və turizm idarələrinin diplomları təqdim olunmuşdur.
Bölmənin digər xəbərləri
