GƏNCƏDƏ QARIN YARATDIĞI PROBLEMLƏR ARADAN QALDIRILIR
İki gün aramsız yağan qar Gəncədə də bir sıra problemlər yaratmışdır. Havaların şaxtalı keçməsi nəticəsində avtomobil yollarında nəqliyyat vasitələrinin hərəkətində problemlər yaranmışdır. Şəhər mənzil-kommunal təsərrüfatı birliyi yollara qum səpməklə yaranmış gərginliyi aradan qaldırmışdır. Şəhərin qaz, su və elektrik təchizatında elə bir narahatlıq hiss olunmur. Qaz istismar idarəsindən AZƏRTAC-ın müxbirinə bildirmişlər ki, havaların soyuq keçməsi ilə əlaqədar şəhərə verilən mavi yanacağın həcmi 50 min kubmetr artırılmışdır. Artıq Gəncə-Bakı marşrutu ilə işləyən sərnişin avtobuslarının hərəkəti də qaydaya salınmış, Gəncə hava limanında təxirə salınmış təyyarə reysləri bərpa edilmişdir.
Bölmənin digər xəbərləri
