Gəncədə yaşlı ağaclar pasportlaşdırılır
Gəncə, 19 dekabr (AZƏRTAC). Hazırda Gəncədə 264 ədəd Şərq çinarı və yaşı 500 ildən çox olan iki çinar ağacı vardır.
Şəhər 10 saylı ərazi ekologiya və təbii sərvətlər şöbəsinin müdiri Mirxaliq Əliyev AZƏRTAC-a demişdir ki, bütün bunlarla yanaşı, hazırda Gəncədə yaşı 100-ü keçmiş çoxlu sayda ağac vardır. Bu ağacların qorunması istiqamətində müxtəlif tədbirlər həyata keçirilir. Həmin ağacların pasportlaşdırılması belə tədbirlərdəndir. Artıq xeyli vaxtdır ki, bu iş sürətlə davam etdirilir. İndiyədək mindən çox ağac pasportlaşdırılmışdır.
Bölmənin digər xəbərləri
