General Cozef Aun Livan prezidenti seçilib
Qahirə, 10 yanvar, AZƏRTAC
Livan parlamenti ordu komandanı Cozef Aunu ölkənin 14-cü prezidenti seçib. General Aun 99 səs toplayıb. O, Livanın ali dövlət mənsəbinə seçilmiş 5-ci ordu komandanıdır.
AZƏRTAC xəbər verir ki, bu barədə ölkənin Milli Xəbər Agentliyi (NNA) məlumat yayıb.
Qeyd edək ki, Cozef Aun birinci səsvermədə tələb olunan səsi yığa bilməyib. Parlamentin spikeri Nəbih Berri müzakirələrin davamı üçün iclasa iki saat fasilə verib.
Prezident Mişel Aunun səlahiyyət müddəti 2022-ci il oktyabrın 31-də başa çatdıqdan sonra Livan parlamenti 12 sessiya ərzində yeni prezidenti seçə bilməyib. Ölkə başçısının seçilməsi üçün namizədin 86 səs toplaması tələb olunur.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
