GÖYÇAYDA YANĞIN OLMUŞDUR
AZƏRTAC xəbər verir ki, iyunun 24-də gecə saat 2.10 radələrində Çöyçay şəhərində Mehdi Hüseynzadə küçəsindəki 40 nömrəli binanın 39-cu mənzilində yanğın hadisəsi baş vermişdir.
Nəticədə Hüseynov Vüqar Fazil oğluna məxsus mənzilin mətbəxi və eyvanı tamamilə yararsız hala düşmüşdür. Binanın 5-ci mərtəbəsində yerləşən mənzildə yanğının söndürülməsinə Fövqəladə Hallar Nazirliyi Göyçay Rayon Yanğından Mühafizə Bölməsinin 3 avtomaşını və 20-yə yaxın əməkdaşı cəlb olunmuşdu.
Qısa müddətdə yanğın söndürülmüş, qonşu mənzillərə və binanın dam örtüyünə keçməsinin qarşısı alınmışdır.
İlkin ehtimala görə, yanğına elektrik naqillərində qısaqapanma səbəb olmuşdur.
Bölmənin digər xəbərləri
