GÖYDƏN ÖLÜ QUŞLAR DÜŞÜRDÜ
AZƏRTAC xarici KİV-lərə istinadla xəbər verir ki, Avstraliyada və Amerikada təqribən eyni vaxtda nadir hadisə - minlərlə quşun naməlum səbəblərdən məhv olması müşahidə edilir.
Avstraliyanın qərbində yerləşən Esperans şəhərində üç həftə əvvəl bir neçə min quzğun, göyərçin və balsoranın leşləri tapılmışdır. İki həftə sonra isə oxşar hadisə ABŞ-da baş vermişdir: Texas ştatının Ostin şəhərinin küçələri göyərçin və sərçə leşləri ilə dolu idi. Quşların kütləvi məhvinin davam etməsinə baxmayaraq, baytarlar onların tələfinin səbəbini tapa bilmirlər. Hələlik alimlər yalnız güman edirlər. Avstraliyanın Ətraf Mühiti və Yabanı Təbiəti Mühafizə Departamentinin nümayəndələri deyirlər ki, quşların tələf olmasının ölkənin cənubunun bu yaxınlarda məruz qaldığı güclü fırtına ilə bağlılığı yoxdur.
Texasda toksik zəhərlənmə haqqında versiyanı yoxlayırlar, lakin alimlərin müəyyən qənaətə gəlmələri həftələrlə vaxt apara bilər. İnsanların sağlamlağını təhlükə altında qoymamaq üçün Ostinin bəzi küçələri mühasirəyə alınmış, polis və yanğınsöndürənlər burada zəhərli maddələrin olub-olmadığını yoxlamışlar.
Bölmənin digər xəbərləri
