Güclü leysan yağışları Tbilisidə ciddi problemlər yaradıb
Tbilisi, 20 iyun, AZƏRTAC
İyunun 19-da günün ikinci yarısında Gürcüstan ərazisində yağan güclü leysan yağışları bölgələrlə yanaşı, paytaxt Tbilisidə də ciddi problemlər yaradıb.
AZƏRTAC xəbər verir ki, paytaxtın Diğomi yaşayış massivində magistral yolu su basıb. Sel nəticəsində avtomobillərin hərəkətində ciddi problemlər yaranıb.
Güclü külək paytaxtın bir neçə hissəsində ağacları kökündən qoparıb, bir neçə yerdə elektrik dirəkləri aşıb. Təbii fəlakətin digər fəsadları və şəhər infrastrukturuna dəyən ziyan barədə hələlik məlumat verilmir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
