GÜLÜŞDƏN ARIQLAMAQ OLAR
Gülüş yalnız yaxşı əhvali-ruhiyyə deyil, həm də ildə iki kiloqram arıqlamaq deməkdir. AZƏRTAC xəbər verir ki, ABŞ-ın Vanderbilt Universitetinin alımləri məhz belə bir ciddi nəticəyə gəlmişlər. Onlar öz tədqiqatının nəticələrini ixtisaslaşdırılmış “Piylənmək problemləri üzrə beynəlxalq jurnal”da dərc etdirmişlər.
Tədqiqatın rəhbəri Masiyej Baçovski demişdir: “Əgər insan hər gün 15 dəqiqə gülsə, il ərzində iki kiloqramadək arıqlaya bilər. Onun başçılıq etdiyi alimlər qrupu müəyyənləşdirmişdir ki, gülüş ürəyi daha sürətlə döyünməyə və bəzi əzələ qruplarını işləməyə vadar edir. Bunun sayəsində, demək olar, bəzi idman məşğələləri zaman sərf edildiyi qədər kalori sərf olunur.
Buna əmin olmağa original eksperiment kömək etmişdir. Eksperimentdə iştirak edən 45 könüllüyə müxtəlif televiziya çarxları, komediya süjetləri göstərmişlər. Baçovski demişdir: “Məlum olmuşdur ki, məhz komediya epizodlarına baxdıqları zaman “eksperiment iştirakçılarının enerji məsrəfi 10-20 faiz çox olmuşdur. Onun sözlərinə görə, 10-15 dəqiqə gülüş 10-40 kalori “yandırmağa” kömək edir. Sonrakı hesablamalar göstərmişdir ki, insan bir il ərzində “gülüş terapiyasının” köməyi ilə iki kiloqram arıqlaya bilər.
Bölmənin digər xəbərləri
