Gürcüstanda cinayətlərin sayı azalıb
Tbilisi, 17 may, AZƏRTAC
Cari ilin yanvar-mart ayları ərzində Gürcüstanda qeydə alınan cinayətlərin sayı 2019-cu ilin eyni dövrü ilə müqayisədə 10 faiz azalıb.
AZƏRTAC xəbər verir ki, bu barədə Gürcüstan Daxili İşlər Nazirliyi məlumat yayıb.
Bildirilib ki, cinayətlərin azalmasına əsasən koronavirusla əlaqədar bəzi qadağaların və karantin rejiminin tətbiq edilməsi səbəb olub.
Qeyd edilir ki, 2020-ci il yanvarın 1-dən martın 31-dək ölkə ərazisində 16000 cinayət faktı qeydə alınıb.
Bu da 2019-cu ilin birinci rübü ilə müqayisədə 1800 fakt azdır.
Keçən ilin eyni dövründə qeydə alınan cinayətlərin sayı 17800 olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
