Gürcüstanda daha bir nəfər koronavirusdan ölüb
Tbilisi, 11 may, AZƏRTAC
Gürcüstanda daha bir nəfər koronavirusdan ölüb. Bununla da ölkədə COVID-19 virusundan ölənlərin sayı 11 nəfərə çatıb.
AZƏRTAC xəbər verir ki, bu barədə Gürcüstan hökumətinin rəsmi stopcov.ge saytında məlumat yerləşdirilib.
Bildirilir ki, hazırda ölkədə 638 nəfər koronavirusa yoluxma faktı qeydə alınıb. Onlardan 72-si həkimdir.
Bu günədək 317 nəfər koronavirusdan müalicə olunub.
Hazırda ölkədə 4896 nəfər karantində, 444 nəfər isə stasionar nəzarətdə saxlanılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
