GÜRCÜSTANDA GƏNC HAKİMLƏR OLACAQ

03.12.2005 [22:12]
Çap et
A⁺ A^-

AZƏRTAC-ın xüsusi müxbiri xəbər verir ki, Gürcüstan parlamentinin hüquq məsələləri komitəsində Konstitusiyada dəyişikliklərə dair qanun layihəsinin müzakirəsi keçirilmişdir. Dəyişikliklərə əsasən, ali hüquq təhsili olan və ixtisası üzrə 5 il işləmiş hər bir vətəndaş 28 yaşına çatdıqdan sonra hakim təyin edilə bilər. Eyni zamanda, hakimlərə pedaqoji və elmi fəaliyyət göstərmək hüququ da verilir, lakin onlar heç bir partiyanın üzvü olmamalıdırlar.

Layihədə Konstitusiya Məhkəməsinin formalaşdırılması qaydasının dəyişdirilməsi də nəzərdə tutulur. İndiyədək Konstitusiya Məhkəməsinin 9 üzvü Gürcüstan prezidenti, parlament və hakimlər korpusu tərəfindən komplektləşdirilirdi. Yeni qanun layihəsi qəbul olunduğu təqdirdə Konstitusiya Məhkəməsi üzvlərinin doqquzunun da namizədliyini parlamentə prezident təqdim edəcəkdir. Konstitusiya Məhkəməsi üzvlərinin səlahiyyət müddəti 10 il nəzərdə tutulur ki, onlar da öz aralarından bir nəfəri 5 il müddətinə sədr seçirlər. Yaş həddinin burada da 35 ildən 30 ilə endirilməsi nəzərdə tutulur.

GÜRCÜSTANDA GƏNC HAKİMLƏR OLACAQ

MÜƏLLİFLƏ ƏLAQƏ

Bölmənin digər xəbərləri