Gürcüstanda iki dəfə zəlzələ baş verib
Tbilisi, 4 noyabr, AZƏRTAC
Noyabrın 4-də səhər saatlarında Gürcüstanda iki dəfə zəlzələ baş verib.
AZƏRTAC xəbər verir ki, bu barədə Gürcüstanın Yer Elmləri İnstitutunun Milli Seysmoloji Monitorinq Mərkəzi məlumat verib.
Bildirilib ki, yeraltı təkanlar ilk dəfə saat 04:08-də Dmanisi Bələdiyyəsi yaxınlığında 3,1 bal gücündə qeydə alınıb.
İkinci zəlzələ isə saat 05:32-də Daba Cava qəsəbəsi ərazisində baş verib. Yeraltı təkanların gücü 3,9 bal gücündə olub. Dağıntı və tələfat barədə məlumat yoxdur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
