Gürcüstanda koronavirusdan 59 nəfər ölüb
Tbilisi, 20 avqust, AZƏRTAC
Gürcüstanda son sutkada daha 4 743 nəfərdə koronavirus aşkarlanıb, 3 393 nəfər sağalaraq evə buraxılıb.
AZƏRTAC-ın yerli bürosu xəbər verir ki, bu barədə ölkənin rəsmi stopgov.ge saytında məlumat verilib.
Bildirilib ki, ötən 24 saat ərzində 59 yeni ölüm halı qeydə alınıb və bu, qonşu ölkədə pandemiyanın başlanğıcından bəri ən yüksək sutkalıq göstəricidir.
Gürcüstanda indiyədək COVID-19-a yoluxanların ümumi sayı 506 040-a, müalicə olunanların sayı 440 370-ə, ölənlərin sayı isə 6 649-a çatıb.
Qeyd edək ki, Gürcüstanda bu günədək 907 min 665 nəfər peyvənd olunub. Onların 266962-si peyvəndin iki dozasını qəbul edib.
Xəyayi Əzizov
AZƏRTAC-ım xüsusi müxbiri
Tbilisi
Bölmənin digər xəbərləri
