GÜRCÜSTANDA NÖVBƏTİ PARTLAYIŞ
Gürcüstan Dövlət Teleradio Korporasiyasının ərazisində güclü partlayış olmuşdur. Binanın şüşələri sınmış, xoşbəxtlikdən, heç kim xəsarət almamışdır. Sonra Korporasiya rəhbərliyinə bir nəfər telefonla zəng edərək, binada partlayıcı qurğu olduğunu bildirmişdir. Buna görə əməkdaşlar işi dayandıraraq, bayıra çıxmalı olmuşlar. Hadisə yerinə gələn dövlət təhlükəsizliyi və daxili İşlər nazirliklərinin əməkdaşları, mütəxəssislər binanı tam nəzərdən keçirmiş və heç nə tapmamışlar.
Bu, son günlər Tbilisidə baş verən dördüncü belə hadisədir, lakin hələlik cinayətlərin heç biri açılmamışdır. Müşahidəçilər yanvarın 4-nə təyin olunmuş növbədənkənar prezident seçkiləri ərəfəsində bu cür hadisələrin artacağını ehtimal edirlər.
Bölmənin digər xəbərləri
