GÜRCÜSTANDA PARLAMENT SEÇKİLƏRİ KEÇİRİLİR
AZƏRTAC-ın xüsusi müxbiri xəbər verir ki, mayın 21-də, səhər saat 8-də 6-cı çağırış Gürcüstan parlamentinə seçkilər başlanmışdır. Seçkilərdə 9 siyasi partiya, 3 seçki blokundan namizədlər iştirak edirlər. Bu seçkilərdə parlamentə 150 deputat - 75 majoritar, 75 isə proporsional sistem üzrə deputat seçiləcəkdir. 86 seçki dairəsinin 3,5 mindən çox seçki məntəqəsində 3,5 milyonadək seçici səs verəcəkdir. Mərkəzi Seçki Komissiyasının mətbuat sədri Zurab Kackaçişvili jurnalistlər üçün keçirdiyi ilk brifinqdə bütün seçki məntəqələrinin vaxtında açıldığını bildirmişdir. O demişdir ki, seçkilərin gedişinə 26 yerli, 49 beynəlxalq təşkilatdan nümayəndələr nəzarət edirlər.
Bölmənin digər xəbərləri
