Gürcüstanda Pasxa bayramı qeyd olunur
Tbilisi, 20 aprel, AZƏRTAC
Aprelin 20-də Gürcüstanın pravoslav xristianları Pasxa bayramını qeyd edirlər.
AZƏRTAC xəbər verir ki, ölkə ərazisindəki kilsələrdə inanclı insanların iştirakı ilə dini ayinlər yerinə yetirilir.
Patriarx İkinci İlia Pasxa münasibətilə bu bayramı qeyd edənlərə təbrik ünvanlayıb.
Patriarx məktubunda ölkə əhalisinə müraciət edərək hamını sülhə və birliyə çağırıb. Təbrik məktubunda, həmçinin qeyd olunur: “Ölkədəki qarşıdurmaya və çətin vəziyyətə baxmayaraq, biz Vətən sevgisi ilə birləşməliyik, müxtəlif fikirlərə baxmayaraq, dinc yanaşı yaşamağı bacarmalıyıq”.
Xatırladaq ki, Gürcüstanda Pasxa ən geniş qeyd olunan bayramlardan biridir. 21-də Pasxadan sonrakı ilk bazar ertəsi Gürcüstanda “Ruhlar Günü” qeyd olunur.
Bayramla əlaqədar təhsil müəssisələri, banklar, dövlət idarələri işləmir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
