GÜRCÜSTANDAKI SOYDAŞLARIMIZIN DAHA BİR PROBLEMİ HƏLL EDİLMİŞDİR
Xəbər verildiyi kimi, Gürcüstanın Bolnisi rayonundakı Kəpənəkçi kəndinin ətrafındakı otlaqları hərbçilər icarəyə götürərək, burada yaşayan soydaşlarımızı örüş yerindən məhrum etmişdilər. Bununla əlaqədar kənd sakinləri öz etirazlarını dəfələrlə Gürcüstanın rəhbər dairələrinə bildirmişdilər. Lakin bu müraciətlər cavabsız qalmışdı. Kəndin sakinləri Azərbaycan Prezidentinə müraciət etmək məcburiyyətində qalmışdılar.
Dövlətimizin başçısının Gürcüstana səfəri zamanı bu problem özünün müsbət həllini tapmışdır. Hərbçilər kəndin örüş yerlərini tərk etmişlər.
Son vaxtlaradək burada yerli əhali əkin suyu qıtlığından da korluq çəkirdi. Bu günlərdə Kəpənəkçi kəndinin həmin problemi də həll edilir. Rayon rəhbərliyi kəndə əkin suyu verilməsi üçün büdcədən, təxminən 50 min dollar məbləğində vəsait ayırmışdır. Su təminatını yaxşılaşdırmaq məqsədi ilə konkret işlərə başlanılmışdır.
Bölmənin digər xəbərləri
