Hava şəraiti dəyişkən buludlu keçəcəkdir
Bakı, 19 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 20-də Bakıda və Abşeron yarımadasında hava şəraitinin dəyişkən buludlu və əsasən yağmursuz keçəcəyi, gecə və səhər bəzi yerlərdə duman olacağı, cənub-qərb küləyinin əsəcəyi gözlənilir. Havanın temperaturu gecə 9-11, gündüz 17-19 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman və çiskin olacağı ehtimal olunur. Qərb küləyinin əsəcəyi gözlənilir. Havanın temperaturu gecə 5-10, gündüz 14-19, dağlarda gecə 4-9, gündüz 14-18 dərəcə olacaqdır.
Bölmənin digər xəbərləri
