HƏMKƏNDLİSİNİ QƏTLƏ YETİRMİŞDİR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Kürdəmir rayonunun Bəyi kəndində yaşayan Əliisa Soltanov münaqişə zəminində, həmkəndlisi, 1989-cu il təvəllüdlü Alim Əhmədovu bıçaqla qətlə yetirmişdir. Ə.Soltanov Kürdəmir Rayon Polis Şöbəsinin əməkdaşları tərəfindən tutulmuşdur.
Samux rayonunun Bağbanlar kəndində Şahlar Əliyev sərxoş halda, münaqişə zəminində Tatlı kənd sakini Aftandil Hümbətova bıçaqla xəsarət yetirmişdir. Ş.Əliyev rayon polis şöbəsinin əməkdaşları tərəfindən həbs olunmuşdur.
Faktlarla bağlı cinayət işi açılmışdır, araşdırma aparılır.
Bölmənin digər xəbərləri
