HƏMYERLİSİNİ VURMUŞDUR
AZƏRTAC xəbər verir ki, Bakı-Qazax yolunun Abşeron rayonu ərazisindən keçən hissəsində ağır yol-nəqliyyat qəzası baş vermişdir. Tofiq Qarayev idarə etdiyi “VAZ-21074” markalı avtomaşınla həmyerlisi Vasif Kazımovu vurmuşdur. V.Kazımov hadisə yerində keçinmişdir.
Qaradağ rayonu ərazisində isə Azər Məmmədovun “Asiya” və Elvin Rüstəmovun “VAZ-2106” markalı avtomaşınları toqquşmuşdur. Nəticədə E.Rüstəmovun sərnişinləri - yeni doğulmuş oğlu və anası Gülyaz hadisə yerində ölmüş, xəsarət almış E.Rüstəmov və arvadı Şəhla xəstəxanaya yerləşdirilmişlər.
Hər iki faktla bağlı cinayət işi açılmışdır, araşdırma aparılır.
Bölmənin digər xəbərləri
