HƏR İKİ SÜRÜCÜ HADİSƏ YERİNDƏ ÖLMÜŞDÜR

06.11.2006 [21:18]
Çap et
A⁺ A^-

AZƏRTAC xəbər verir ki, Qazax rayonunun ərazisində Qəzənfər İsmayılovun “VAZ-2106” və Aftandil Hacıyevin “QAZ-24” markalı avtomaşınları toqquşmuşdur. Nəticədə hər iki sürücü və sərnişinlərdən, Qazax rayon sakini Zeynəb Ömərova hadisə yerində ölmüş, 8 sərnişin isə xəsarət almışdır.

Bakı-Qazax yolunun Qobustan rayonu ərazisindən keçən hissəsində Sumqayıt şəhər sakini Oqtay Həziyev idarə etdiyi “Qazel” markalı avtomaşını aşırmışdır. Avtomaşında olan sərnişin, Ağsu rayon sakini Seymur Hacıyev yerindəcə keçinmişdir. O.Həziyev isə xəsarətlə xəstəxanaya yerləşdirilmişdir, vəziyyəti orta ağırdır.

Binəqədi rayonunun ərazisində Rauf Axundov sürdüyü “Nissan” markalı avtomaşınla Tayfaxanım Mirzəməmmədovanı vurub öldürmüşdür.

Tovuz rayonunun ərazisində isə İman Nağıyev “VAZ-2107” markalı avtomaşınla Gəncə sakini Vidadi Sadıxovu vurmuşdur. Xəsarətlə xəstəxanaya yerləşdirilmiş V.Sadıxovun həyatını xilas etmək mümkün olmamışdır.

Faktlarla bağlı cinayət işi açılmışdır, təhqiqat aparılır.

HƏR İKİ SÜRÜCÜ HADİSƏ YERİNDƏ ÖLMÜŞDÜR

MÜƏLLİFLƏ ƏLAQƏ

Bölmənin digər xəbərləri