Hərracda 28 avtomobil satılıb
Bakı, 2 sentyabr, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən sentyabrın 1-də keçirilən hərracda 28 nəqliyyat vasitəsi satılıb.
Dövlət Xidmətindən AZƏRTAC-a bildirilib ki, rəqabətli keçən hərracda start qiyməti 12 min manat olan “BMW 520I” markalı avtomobil 33 min 500 manata, ilkin qiyməti 9000 manat olan “BMW 740LI” markalı nəqliyyat vasitəsi 26 min manata, ilkin qiyməti 6000 manat olan “Toyota Camry” markalı avtomobil isə 15 min 600 manata satılıb.
Hərracda satılan nəqliyyat vasitələrinin siyahısı ilə Əmlak Məsələləri Dövlət Xidmətinin rəsmi saytı vasitəsilə tanış olmaq olar.
Qeyd edək ki, dövlət əmlakının özəlləşdirilməsi üzrə növbəti hərraclar 8, 15, 22 və 29 sentyabr tarixlərində keçiriləcək.
Hərraclarda iştirak etmək istəyənlər www.emlak.gov.az və www.auksion.gov.az saytlarından seçim edə bilərlər.
Bölmənin digər xəbərləri
