HİNDİSTANDA PLASTİK PULLAR İŞLƏYƏCƏK
AZƏRTAC xəbər verir ki, Hindistanın ehtiyat bankı (HEB) avqustun 18-də 10 rupiyə bərabər plastik pul buraxmaq haqqında qərarını elan etmişdir. HEB-in baş direktorunun müavini Dalcit Sinqh bunu belə aydınlaşdırmışdır: “Bizim nəzərdən keçirdiyimiz variant, mahiyyətcə, kağız və pambıq liflər əlavə olunmuş plastik pul variantından ibarətdir”.
Pul nişanlarının çapında polimerdən istifadə ölkənin çıxış yoludur, çünki kağız əskinazlar, xüsusilə 2,5 dollara bərabər 10 rupiliklər 5-6 ayın ərzində tamamilə yararsız hala düşür. İlk təcrübədə yeni materialdan belə pulların buraxılmasında istifadə olunacaqdır.
Bank nümayəndəsinin dediyinə görə, Hindistan hazırda plastik pulların uğurla işlədildiyi ölkələrin-Avstraliya və Yeni Zelandiyanın təcrübəsini əsas götürür. HEB 10 rupilik metal pullar da buraxmağı planlaşdırır. “Simasını itirmiş” metal pullar təkrar emala veriləcək. Bu məqsədlə ictimai və özəl banklara tapşırılmışdır ki, vətəndaşlardan çirkli əskinazları yığıb, əvəzində yalnız çap məngənəsinin altından lap yaxınlarda çıxan təzə əskinazlar versinlər.
Bölmənin digər xəbərləri
