HİNDİSTANLI MƏŞƏDİ İBAD
Bəy öz adaxlısının ailəsinə çox böyük məbləğdə başlıq ödəmişdir. Qızın dediyinə görə, bu izdivacın qəti əleyhinə idi. Amma onun fikrini soruşan, onu eşidən olmadı və valideynləri bəy tərəfi ilə əvvəlcədən razılaşdıqları kimi, qızın “həri”sini verdilər.
Müasir Hindistanda yetkinlik yaşına çatmayan qızların ərə verilməsi qanunla qadağan edilmişdir. Qanunvericiliyə görə, gəlinin minimum 18, bəyin isə 21 yaşı olmalıdır. Övladı zorən “xoşbəxt etmək” də qadağandır. Odur ki, rəhmli qonşular polisi qabaqcadan xəbərdar etmişdilər, lakin o, bunu qulaqardına vurmuşdur.
Ümumiyyətlə, erkən yaşlarında kəbin kəsdirmək və nikah bağlamaq Carkhand ştatı üçün görünməmiş bir şey deyildir. Ötən il burada 80 yaşlı babanı 16 yaşlı qızla evləndirmişdilər. Ştatın hakimiyyət orqanlarının məlumatına görə, carkhandlı gözəllərin təxminən 40 faizi yetkinlik yaşına çatmamış ailə həyatına başlayır.
