“İNDEVOR”UN TƏMİRƏ EHTİYACI YOXDUR
AZƏRTAC İTAR-TASS-a istinadla xəbər verir: NASA-nın ekspertləri belə bir nəticəyə gəlmişlər ki, “İndevor” kosmik stansiyasının orbitdə təmirə ehtiyacı yoxdur və yerə təhlükəsiz qayıda bilər. Bu qərar mütəxəssislər tərəfindən təhlil olunmuş bir yığın təcrübi və nəzəri məlumatla əsaslandırılmışdır.
Narahatlığa səbəb orbitə çıxarkən stansiyanın istidənmühafizə təbəqəsində çat yaranması olmuşdur. Uçuş rəhbərləri ehtiyatlanırdılar ki, bu zədə “İndevor”un məhvinə gətirib çıxara bilər; onları qorxudan həm də atmosferin sıx qatını keçərkən şattlın istidənmühafizə örtüyü altında alüminium konstruksiyalı detalının zədələnməsi ehtimalıdır. Bu isə ABŞ-ın dəfələrlə istifadə oluna bilən gəmisini uzunmüddətli və çox baha təmirə dayandırar və onu quraşdırmaq üçün uçuş cədvəlinin MKS-yə tərəf dəyişdirilməsinə gətirib çıxarardı.
Uçuş rəhbərləri qəbul olunmuş qərar barədə “MKS-“İndevor” kompleksinin uçuş heyətini onlar yatmağa getməmişdən qabaq xəbardar etmişdilər. Uçuş heyətinin komandiri açıq-aydın rahat nəfəs alaraq, “İndevor”un gövdəsindəki əlçatmaz nöqtədə aparılacaq mürəkkəb təmir zərurətini ləğ etdiyinə görə bütün yerüstü xidmətə öz təşəkkürünü bildirmişdir.
Əlavə olaraq, dördüncü dəfə açıq kosmosa çıxmaq məsələsinə gəldikdə isə, bu əməliyyat şənbə günü baş tutacaqdır. Lakin onun indiki proqramı mahiyyətcə daha sadə olacaqdır.
Bölmənin digər xəbərləri
