İNDONEZİYA DANİMARKA MALLARINI BOYKOT EDİR
Milli İxracçılar Assosiasiyasının prezidenti Amirudin Səud Cakartada bildirmişdir ki, Danimarka hökuməti İndoneziya müsəlmanlarından və bütün İslam aləmindən üzr istəməyincə, biz bu ölkədə və ya Danimarka kapitalının iştirakı ilə istehsal olunmuş malları almaqdan imtina edirik.
Xatırladaq ki, İran və Suriya da Danimarka mallarını boykot etmişdir. Hər il İndoneziyaya Danimarka istehsalı olan 75 milyon dollarlıq mal gətirilir. Bu, əsasən, uşaq yeməyi, pendir, kərə yağı, pivə, kolbasa və ət konservləridir.
Ekspertlərin hesablamalarına görə, Məhəmməd Peyğəmbərə karikaturalar Danimarkaya azı 1 milyard avroya başa gələcəkdir. “Cakarta post” qəzeti yazır ki, bu cür “söz azadlığı” maskası müsəlman ölkələri ilə münasibətlərdə diplomatik və siyasi böhranla yanaşı, Danimarka Krallığı üçün iqtisadi böhran təhlükəsi də yaradır.
Bölmənin digər xəbərləri
