İNDONEZİYA PAYTAXTINDA TERROR AKTI

09.09.2004 [14:52]
Çap et
A⁺ A^-

AZƏRTAC Assoşieyted Press agentliyinə istinadla xəbər verir ki, sentyabrın 9-da səhər İndoneziyanın paytaxtı Cakartanın mərkəzində, bir sıra xarici səfirliklərin yerləşdiyi küçədə bomba partladılmışdır. Nəticədə, Rusiyanın, xüsusən də Avstraliyanın diplomatik nümayəndəliklərinə zərər dəymişdir.

İlkin məlumatda bildirilir ki, partlayış zamanı 7 adam həlak olmuş, təxminən 100 nəfər yaralanmışdır. Ehtimal olunur ki, səfirliklərin yanında minalanmış avtomobil partladılmışdır. Polis partlayıcı qurğunu intiharçı terrorçunun işə salmasını da istisna etmir.

İndoneziya Prezidenti xanım Meqavati Sukarnoputri qonşu Bruneyə səfərini dayandıraraq, təcili Cakartaya qayıtmışdır.

Xatırladaq ki, İndoneziyada sonuncu ən dəhşətli terror aktı 2002-ci il oktyabrın 12-də törədilmişdi. Onda Bali adasında gecə klubu qarşısındakı iki partlayış nəticəsində 200-dən çox adam ölmüşdü. Həlak olanlar və xəsarət alanlar arasında 20 ölkənin vətəndaşları vardı.

İNDONEZİYA PAYTAXTINDA TERROR AKTI

MÜƏLLİFLƏ ƏLAQƏ

Bölmənin digər xəbərləri