İnteryerə gözəllik verən beqoniya
Bakı, 13 aprel, AZƏRTAC
İlk dəfə XVIII əsrdə Haiti adasına ekspedisiya zamanı monax Şarl Plumye beqoniya bitkisini aşkar edib. Onun adı hədsiz çiçək həvəskarı olan San-Dominqo qubernatoru Mişel Beqonun şərəfinə verilib. Beqoniya kol, yarımkol və ot formasında olur və minə yaxın növü məlumdur.
AZƏRTAC xəbər verir ki, tropik beqoniyalar Avropada XVII əsrdən etibarən yayılmağa başlayıb, uzun illər keçməsinə baxmayaraq ona maraq daha da artır, yeni hibrid və sortları tapılıb yetişdirilir.
Beqoniya bir neçə ay dalbadal çiçəkləyə bilir. İnteryerdə ondan istifadə etmək gözəllikdir, xüsusilə narıncı-sarı rəngli beqoniyalar purpur və firuzəyi rəngli aksesuarların yanında çox yaraşıqlı görünür. Keçmişdə olduğu kimi, zəngin palitrasına görə müasir interyerdə də onun xüsusi yeri var.
Rusiya alimləri müəyyən ediblər ki, beqoniya ifraz etdiyi fitonsidlərinin sayəsində yerləşdiyi otağın havasında bir həftə sonra bakteriya və kif göbələklərini 70-80 faizə qədər azaldır. Eyni zamanda bioloji aktiv maddələr sintez edərək otağın havasını yaxşılaşdırır, iş qabiliyyətini artırır, stressi qovur, yuxunu normallaşdırır, yorğunluğu azaldır.
Bölmənin digər xəbərləri
