İRAN VƏ BAEA RAZILIĞA GƏLƏ BİLƏR
AZƏRTAC İTAR-TASS-a istinadla xəbər verir ki, yaxın vaxtlarda İran və Beynəlxalaq Atom Enerjisi Agentliyi (BAEA) Tehranın nüvə proqramı ilə bağlı həllini tapmamış problemləri nizamlaya bilər və beynəlxalq vasitəçilərdən ibarət “altılıq” (BMT Təhlükəsizlik Şurasının beş daimi üzvü və Almaniya) yenidən məsləhətləşmələrə başlayacaq ki, “İran uranının saflaşdırılması işlərinin məhdudlaşdırılması barədə danışıqların başlanmasına yol açsınlar. Avropa İttifaqının təhlükəsizlik və xarici siyasət məsələri üzrə ali nümayəndəsi Xavyer Solana belə bir fikir söyləmişdir. Solananın dediyinə görə, “hazırda İran BAEA ilə çox möhkəm iş aparır. Bu da ümid verir ki, tərəflər yığılıb qalan bütün məsələlərə aydınlıq gətirəcəklər”.
BMT Təhlükəsizlik Şurası 2006-cı ilin dekabrından başlayaraq, İrana iki dəfə sanksiya tətbiq etmişdir, hazırda daha sərt bir qətnamə qəbul etməyə hazırlaşır.
Bölmənin digər xəbərləri
