İRANDA DAHA İKİ ZƏLZƏLƏ BAŞ VERMİŞDİR
Oktyabrın 14-nə keçən gecə İranda daha iki zəlzələ baş vermişdir. Gilan əyalətindəki Rudbar şəhərciyinin sakinləri Rixter cədvəli ilə 3,7 bal gücündə yeraltı təkanlar hiss etmişlər. 3,5 bal gücündə digər zəlzələ isə Tehran əyalətinin Dəmavənd və Firuzkuh şəhərləri yaxınlığındakı dağlıq bölgələrdə qeydə alınmışdır. Tələfat və dağıntılar haqqında məlumat yoxdur.
İran ərazisinin böyük hissəsi planetimizin ən fəal seysmik zonalarından birində yerləşir. Ölkənin bütün ərazisində, demək olar, hər gün yeraltı təkanlar qeydə alınır. Alimlərin fikrincə, bu, İran yaylasında yer qabığının hərəkətinin fəallaşdığını göstərir.
Bölmənin digər xəbərləri
