İRANDA ZƏLZƏLƏ
AZƏRTAC-ın İrandan aldığı xəbərə görə, sentyabrın 30-da Tehran vilayətində Rixter cədvəli ilə 3,2 bal gücündə zəlzələ baş vermişdir. Tehran Geofizika Mərkəzinin məlumatında deyilir ki, yeraltı təkanların mərkəzi Dəmavənd şəhərindən 35 kilometr cənub-şərq tərəfdə, eyni adlı “yatmış” vulkanın ətəklərində olmuşdur.
Tələfat və dağıntı haqqında məlumat verilməmişdir.
Xatırladaq ki, İran ərazisinin böyük hissəsi seysmik fəal zonada yerləşir. Son 13 ildə ölkədə orta və böyük gücdə 950-dən çox zəlzələ qeydə alınmışdır. Bu təbii fəlakətlər nəticəsində 17,6 min nəfər həlak olmuş, 53 mindən artıq adam yaralanmışdır.
Bölmənin digər xəbərləri
