QOÇLAR üçün iş və şəxsi həyat arasında balansı tapmaq məsələsi bu həftə çox kəskin duracaqdır. Buna Ayın yaxın bir neçə gündə bu bürcün tale sektoruna təsirini xeyli gücləndirməsi səbəb olacaqdır. Artıq həftənin ikinci yarısında biznesinizi necə inkişaf etdirmək yolunu dəqiq biləcəksiniz. Rəhbərliklə münasibətləriniz xeyli yaxşılaşacaqdır. Yüksək vəzifə tutursunuzsa, tabeliyinizdəki insanlarla yaxşı keçinəcəksiniz. Bütün işləriniz konstruktiv məcrada davam edəcəkdir.

BUĞALAR 2012-ci ilə işlə bağlı perspektivləri irəlicədən görərək qədəm qoymuşlar. Buna yanvarın ilk günlərində bu bürcün iş sektoruna müsbət təsir göstərmiş Neptun və Veneranın ittifaqı şərait yaratmışdır. Həftənin ikinci yarısında rəqabətlə bağlı bütün fəaliyyət növlərində fərqlənəcəksiniz. London astroloqları kölgədən işığa çıxmağı, daha fəal və inadkar olmağı, mövqeyinizi qətiyyətlə müdafiə etməyi məsləhət görürlər.

ƏKİZLƏR yeni iş ilinə çox böyük çətinliklə başlamışlar. Hadisələr bir-birini elə sürətlə əvəzləyir ki, məsələlərin həllinə hansı tərəfdən yanaşmaq lazım gəldiyini heç cür anlaya bilmirsiniz. Səbirli olun. Analitik düşüncə tərzinizi işə salın. Cari problemlərlə bağlı çətinliklərdən qorxmayın. Cəsarət və qətiyyətlə hərəkət edin. Ani qərar qəbul etmək bacarığınıza şübhə etməyin. Uğursuzluqlara görə məyus olmayın. Unutmayın ki, riskə getməyən qələbəni bayram edə bilməz.

XƏRÇƏNGLƏRƏ astroloqlar işgüzar əlaqələri möhkəmləndirmək üçün daha çox səy göstərməyi məsləhət görürlər, çünki ilin əvvəlində fəaliyyətinizin ən uğurlu istiqaməti məhz bu olacaqdır. Əməkdaşlıq təklifləri alacaqsınız. Həmin təkliflərin bəziləri çox perspektivlidir, lakin danışıqlara start verilməsi yalnız sizin qərarınızdan asılı olacaqdır. Həmçinin iki tərəf arasında vasitəçi ola bilərsiniz. Əslində, bu işin də öhdəsindən asanlıqla gəlmək iqtidarındasınız.

ŞİRLƏRİN payına az sınaq düşməmişdir. Əslində, işləriniz heç də həmişə ürəyiniz istəyən kimi olmamışdır. Gözləmədiyiniz halda hər küncdən-bucaqdan əngəllər çıxmışdır. Lakin Merkurinin həftənin əvvəlində iş sektorunuza qayıdışı vəziyyəti kökündən dəyişəcəkdir. Cəsarətlə irəli gedin. Başladığınız bütün işlər alınacaqdır. Hətta gözləmədiyiniz halda əcaib maraqlı şeylər baş verəcəkdir. Yalnız sayıqlığı əldən verməyin. Maddi durumunuzu möhkəmləndirmək üçün səy göstərməlisiniz.

QIZLAR həftənin ikinci yarısında çoxdan hazırlaşdıqları, lakin cəsarət və qətiyyətləri çatmadığı işlərə başlayacaqlar. İndi yeni layihələr üçün ideal məqam yetişmişdir. Bütün bunlar planlarınıza daxil deyilsə, sadəcə, işinizə kənardan yeni gözlə baxın. Yeknəsəq və yorucu işləri təkrar gözdən keçirməlisiniz, çünki yeni çox şey kəşf edə bilərsiniz. Ola bilsin, biznesi inkişaf etdirmək üçün əvvəllər diqqətinizdən yayınan gizli imkanlar aşkar edəcəksiniz.

TƏRƏZİLƏRƏ astroloqlar komfortlu iş şəraiti yaratmağı tövsiyə edirlər. Ötən ilin axırında gələcəyiniz üçün möhkəm zəmin hazırladığınız üçün iş yerinizdə səliqə-sahman yaratmaqla, əməyin səmərəliliyini artırmaqla məşğul ola bilərsiniz. Evdə işləyənlər üçün əlverişli dövrdür. Sizi heç kəs əsas işdən yayındıra bilməyəcəkdir. Əlavə qazanc da istisna deyildir. Belə fürsət yaransa, əsla imtina etməyin.

ƏQRƏBLƏRİN işlə bağlı koordinatlarında Ayla Uranın fəallığı yüksəlmişdir. Bu isə o deməkdir ki, siz hətta istirahət günləri də işləməli olacaqsınız. Məyus olmayın, çünki mükafatlandırılmayan əmək yoxdur. Yaxşı işlədikdən sonra bir xeyli asudə vaxtınız olacaqdır. Həmin vaxtı ailənizə sərf etməyə çalışın. Şəxsi məsələlərin və daxili ziddiyyətlərin həllinə xüsusi diqqət yetirin. Əgər sizi şəxsi məsələ narahat edirsə, indi bu məsələni həll etməyin əsl vaxtıdır. Daxili problemlərinizin öhdəsindən gəlməklə həyatınızı daha səmərəli idarə edə bilərsiniz.

OXATANLAR biznesdə uğur qazanmaq üçün maksimum inadkar olmalıdırlar. Öz maraqlarınızı əzmlə müdafiə etməlisiniz. Əgər işlədiyiniz şirkət içində karyera yüksəlişinə nail olmaq istəyirsinizsə, sizin bu istiqamətdə səyləriniz hədər getməyəcəkdir. Əgər işinizdə real praktik nəticə əldə etmək istəyirsinizsə, burada da sizi uğur gözləyir. Bundan əlavə, büdcə ilə bağlı taleyüklü qərarlar qəbul etmək üçün də kifayət qədər əlverişli dövrdür.

OĞLAQLARA bu həftə Ayın təsiri işdən çox şəxsi münasibətlərdə daha çox müvəffəqiyyət vəd edir. Odur ki, tərəfdaş və həmkarlara arxalanıb, ailə işlərinə xüsusi diqqət yetirməlisiniz. İşə isə həftə sonu başlamaq olar. Ezamiyyətlər və yeni potensial bazarların öyrənilməsi, biznesinizin daha sərfəli variantlarının axtarışı üçün əla dövrdür.

DOLÇALARA ulduzlar yaxın bir neçə gündə gözə dəyməməyi məsləhət görür. Bu həftə planlarınızı və niyyətlərinizi açıqlamaq üçün son dərəcə əlverişsizdir, çünki bədxahlarınızın hədəfindəsiniz. Nüfuzlu şəxslərlə keçirdiyiniz qeyri-rəsmi görüşlər bəzi şəxsi məsələlərin həllinə kömək edəcəkdir. Borc almaq və verməklə bağlı məsələləri sülhlə yoluna qoyacaqsınız.

BALIQLAR bu həftə insanlara nümunə olacaqlar. Enerjiniz fontan vuracaqdır. Səmimiyyətiniz insanları maqnit kimi cəlb edəcəkdir. Bu əhvalla siz həm həmkarlarınızın, həm də özünüzün gözlədiyinizdən qat-qat artıq iş görə bilərsiniz. Yaxın günlərdə rəhbərliyin diqqətini başqa layihələr cəlb edəcəkdir. Özünüzü göstərmək üçün bundan yaxşı fürsət ola bilməz. Mühüm qərarlar qəbul etmək məsuliyyətini öz üzərinizə götürməkdən çəkinməyin. Ulduzlar bu həftə sizin tərəfinizdədir.