DÜNYA
İşgüzar adamlar üçün Britaniya ulduz falı
(5-11 mart)
QOÇLARIN çoxdan bəri rahatlıq verməyən problemlərinin həllinə dostları kömək edəcəklər. Biznes-planlarınız nə qədər gizli qalsa, bir o qədər yaxşıdır. Ehtiyatlı olun: rəqibləriniz və bədxahlarınız ayıq-sayıqdırlar və ayağınızın altından çəkməyə hər an hazırdırlar. Lakin buna görə qanınızı qaraltmayın, öz gücünüzə inamınızı itirməyin.
BUĞALAR son vaxtlar qarşılaşdıqları xoşagəlməz hadisələrə görə narahatlıq keçirməməlidirlər. Əslində elə bir səy göstərmədən bütün çətinliklərin öhdəsindən gəlmək iqtidarındasınız. Qarşıdan gələn sınaqlar xeyirli olacaq, nüfuzunuzu möhkəmləndirəcəkdir. Ay sizi gələcəkdə çox faydalı olacaq yeni təşəbbüslərə ruhlandıracaqdır. Lakin ehtiyatlı olun. Bir addımı atmamışdan əvvəl yüz ölçüb bir biçməlisiniz.
ƏKİZLƏR bu həftə çox ehtiyatlı olmalıdırlar. Uğurlu başlanğıcların axmaq səhvlər ucbatından iflasa uğraması barədə nağıllara inanmayın. Son vaxtlar maliyyə durumunuz bir o qədər də yaxşı deyildir, lakin yaxşı bir başlanğıca töhfə vermək istəyirsinizsə, az məbləğdə də olsa yardım etməkdən çəkinməyin. Yadda saxlayın ki, diqqət və qayğı çox vaxt puldan da irəlidir.
XƏRÇƏNGLƏR çox güman müvəqqəti maliyyə çətinlikləri ilə qarşılaşacaqlar. Heç bir ağır sarsıntı-filan olmayacaqdır. Çalışın ki, iki addım irəlini düşünəsiniz və lazım gəldikdə cibinizdə kifayət qədər pul olsun. Ola bilsin, yaxınlarınızdan və doğmalarınızdan bir qədər borc götürmək ehtiyacı yaranacaqdır.
ŞİRLƏRƏ astroloqlar yalnız biznes-tərəfdaşlarla məsləhətləşmələrdən sonra qərar qəbul etməyi məsləhət görürlər. Məsləhətləri mütləq diqqətə alın, lakin yenə də öz qərarlarınıza üstünlük verin. Hər halda müəyyən məbləği qara günə saxlayın. Ola bilsin, bu həftə mühüm seçim etməli olacaqsınız.
QIZLAR heç bir problem və gözlənilməz hadisə əlaməti olmayan yolla irəliləməyə üstünlük verirlər. Nəbadə bu yanlış təsəvvürə uyasınız. Başqalarının karyera pillələri ilə irəlilədikləri bir vaxtda əsla bir yerdə durmayın. Hətta seçim olmasa belə, riskli addım atmaq, fəaliyyətsiz durmaqdan daha yaxşıdır.
TƏRƏZİLƏR yaxın günlərdə xoşbəxtlikləri uğrunda ciddi mübarizə aparacaqlar. Pisliklə üzləşmisinizsə, dilxorluq basmışsa, ümidsizliyin sizə üstün gəlməsinə yol verməyin. İnandıqlarınızı var gücünüzlə qazanmağa çalışın. Siz nə istədiyinizi çox yaxşı bilirsiniz. İndi başqalarının da bunu bilmək vaxtı çatmışdır. İnadcıl olun. Bəzən hətta aqressiv olmaqdan çəkinməyin. Nəticə özünü çox gözlətməyəcəkdir. Sizə qarşı münasibət dərhal yaxşı istiqamətə dəyişəcəkdir.
ƏQRƏBLƏR mühüm informasiyanı həmkar və dostlarından gizli saxlamalıdırlar. Onlar sizin işgüzar münasibətləriniz barədə heç nə bilməməlidirlər. Bu həftə sizin üçün çox perspektivli imkan açılacaq, qayıqda isə yalnız bir adama yer olacaqdır. Şəxsi həyatınızı açıq-aşkar müzakirə etməyin. Sizi düzgün başa düşməyə bilərlər.
OXATANLAR məsləhətlərinin dostlarına heç bir faydası toxunmadığına görə vicdan əzabı çəkəcəklər. Günah sizdən gedibdir, çünki onlar sizin məsləhətlərinizi qulaq ardına vurublar. Bu günlər şəxsi həyatınızda problemlərlə qarşılaşacaqsınız. Səbirli və nəzakətli olmalısınız. Vəziyyət gərginləşdiyi vaxt kənara çəkilmək daha məsləhətlidir.
OĞLAQLARIN vəziyyətini bədxərclik korlaya bilər. Ağzınızdan çıxan sözlərin və gördüyünüz işlərin mümkün nəticələrini irəlicədən ciddi-cəhdlə götür-qoy edin. Yoxsa hesablarınızı ödəməyə pul tapmayacaqsınız. Ağıllı və tədbirli hərəkət edin və pulunuzu havaya sovurmayın. Onda xeyli gücünüzə və əsəbinizə qənaət etmiş olacaqsınız.
DOLÇALAR özlərinə qapanıb hisslərini gizlətməməlidirlər. Bu, vəziyyəti daha da ağırlaşdırar. Ürəyinizi etibar etdiyiniz adama boşaldın. Problemin həllini tapmaqda yaxınlarınız kömək edə bilərlər. Gərginlik və narahatlıq heç bir fayda verməyəcəkdir. Odur ki, yaxın günlərdə mühüm qərarlar qəbul etməkdən çəkinməlisiniz.
BALIQLARIN təxəyyülü zəngindir, lakin yaxın günlərdə ulduzların düzümü sizə rahat gəzinti vəd etmir. İşdə fasilə götürüb, bu-gün sabaha saxladığınız xırda problemləri yoluna qoymalısınız. Yaxşı olar, fikrinizi başqa istiqamətə yönəldəsiniz. Teatra və ya muzeyə getmək, köhnə dostlara baş çəkmək lap yerinə düşər.