DÜNYA
İşgüzar adamlar üçün Britaniya ulduz falı (25 Fevral - 3 mart)
London astroloqları proqnozlaşdırılar ki, bu həftə QOÇLARI uzaq biznes səfəri gözləyir. Səfərin səmərəliliyi bu bürcün nümayəndələrinin son vaxtlar öz işlərini necə qurmalarından asılı olacaqdır. Ötən qərarlarınız ölçülüb-biçilmiş şəkildədirsə, onda sizə zaval yoxdur. Səfər son dərəcə səmərəli olacaq və qısa müddətdə gözəl dividentlər gətirəcəkdir.
BUĞALARI bu günlər yaxşıca silkələyəcəklər. Biznesinizi qoruyub saxlamaq üçün gecə-gündüz yorulmadan çalışmalı olacaqsınız. Venera planetinin səmadakı vəziyyəti göstərir ki, gərgin işin nəticəsi çox sevindirici olacaqdır. Üstəlik, əsas tərəfdaşla münasibətlərinizi xeyli möhkəmləndirəcəksiniz.
ƏKİZLƏR üçün məhsuldar bir iş həftəsi başlayır, hərçənd həmkarların müqaviməti ilə üzləşəcəklər. Onların təzyiqləri qarşısında geri çəkilib planlarınızdan imtina etməyi ağlınızın ucundan belə keçirməyin. Merkurinin səmadakı vəziyyəti göstərir ki, məhz sizin irəli sürdüyünüz ideyalar çox səmərəli olacaq və əlüstü bəhrə verməyə başlayacaqdır.
Yaxın günlərdə XƏRÇƏNGLƏRİ də yaxşı gəlir gözləyir. Gəlir yaxşı şeydir, özü ilə bərabər problem gətirməsə, çünki yeni maliyyə imkanları həm də yeni məsuliyyət, yeni öhdəliklər deməkdir. Pullarınızı havayı yerə göyə sovurmayın. Əvvəlcə yaxşı-yaxşı düşünün.
ŞİRLƏR bu həftə mühüm layihələr həyata keçirmək üçün fürsəti əldən verməməlidirlər. Bunun üçün təkcə qətiyyətli, inadkar deyil, həm də ehtiyatlı olmalısınız. Enerjiniz istədiklərinizi əldə etməyə çatsa, mükafat da sanballı olacaqdır.
QIZLAR bu həftə çox uğurlu maliyyə əməliyyatları həyata keçirəcəklər. Bütün satışlar və satınalmalar ya təcili, ya da uzaq mənfəət deməkdir. Saturnun səmadakı vəziyyəti göstərir ki, xidmətlər sahəsindəki razılaşmalar da uğur gətirə bilər.
TƏRƏZİLƏRİ aparıcı bir şirkətin nümayəndələri gözaltı edəcəklər. Bu, karyeranızda hissediləcək dəyişikliklərə gətirib çıxara bilər. Yaxşı olar, üfüqdə göz-qaş edən bu fürsəti əldən verməyəsiniz. Bunun üçün ikimənalı sözlərdən və riskli addımlardan çəkinməlisiniz.
ƏQRƏBLƏR çeşid-çeşid cəlbedici təklif alacaqlar. Lakin bu təkliflər yığnağından həqiqətən sizə lazım olanı seçmək vaxt qıtlığı üzündən asan məsələ olmayacaqdır. Görünür, bu məsələdə həmkarlarınızın və ekspertlərin məsləhətləri olmadan keçinə bilməyəcəksiniz.
OXATANLAR ayaq saxlayıb yaranmış vəziyyət barədə dərindən düşünməlidirlər. Yaxın günlərdə qaş düzəldən yerdə vurub göz də çıxarmamaq üçün məhz belə hərəkət etməlisiniz. Keçdiyiniz yola kefinizi pozmadan tənqidi nəzər salmağa çalışmalısınız. Sanki yeni bir həyatın astanasındasınız və keçmişdən gələcəyə özünüzlə bərabər nə götürəcəyiniz barədə düşünürsünüz.
OĞLAQLARA astroloqlar istər xoş, istərsə də naxoş kəşflər vəd edirlər. Çox güman, bəzi sahələrdə, xüsusən, daşınmaz əmlak sahəsində yol verdiyiniz keçmiş səhvlərin hesabını məhz indi ödəməli olacaqsınız. Üzləşdiyiniz bütün çətinliklərin öhdəsindən gəlmək üçün ilk növbədə səhvlərinizi etiraf etməlisiniz.
DOLÇALAR bir neçə işgüzar problemi bir oturumda həll etməli olacaqlar. Halbuki bu gərginliyin öhdəsindən gəlmək üçün onların hər birini ayrı-ayılıqda həll etməlisiniz. Bu işdə tərəfdaşlarınızın təmənnasız köməyi əvəzsiz ola bilər.
BALIQLAR bu həftə ətalət vəziyyəti ilə mübarizə aparacaqlar. İşiniz darıxdırıcı və sönük görünəcəkdir. Peşəkarlıq fəaliyyətinizə rəng qatmaq üçün təşəbbüskar olmalı, bəlkə də eyni vaxtda bir neçə yeni layihənin qulpundan yapışmalısınız. Yaranmış vəziyyət sizi yaxşıca silkələyəcək və biznesinizə marağı geri qaytaracaqdır.